Պետական կառավարում՝ արհեստական բանականության կիրառմամբ

ՏՀԶԿ-ի այս զեկույցը ուսումնասիրում է արհեստական բանականության կիրառումը պետական կառավարման մեջ՝ համադրելով 200 կիրառման օրինակ 11 պետական գործառույթներում։ Հինգ գլուխներն անդրադառնում են թվային կառավարման զարգացմանը, կիրառման միտումներին ու առաջին դասերին, ներդրման խոչընդոտներին և վստահելի ԱԲ-ի համար անհրաժեշտ պայմաններին, պաշտպանական երաշխիքներին ու ներգրավմանը։ Խորքային ուսումնասիրությունները ներառում են հարկային վարչարարությունը, հանրային ֆինանսների կառավարումը, կարգավորումը, քաղաքացիական ծառայությունը, գնումները, բարեվարքությունը, քաղաքականության գնահատումը, հանրային մասնակցությունը, ծառայությունները, իրավապահ գործունեությունն ու արդարադատությունը։ Զեկույցը հնարավոր օգուտների կողքին քննարկում է տվյալների, կարողությունների, ծախսերի, վերահսկողության և հաշվետվողականության խնդիրները։ Հայերեն հրատարակությունը պահպանում է 2025 թվականի բնագրի տվյալները, աղբյուրներն ու վերապահումները և ներառում է առանձին թարգմանչական ներածություն։